Arego
kw:!support_us

Sterk laginnsats på Korlevoll og i Røldal

28.12.2014

2. juledag vart Jularennet arrangert på Korlevoll. Rennet gjekk i fristil med god deltaking frå Hordaland og Rogaland skikrets. Dagen etter var det Røldal IL sin tur til å arrangera det årlege Røldalsrennet. Rennet gjekk i klassisk stil i skikkeleg vinterver (-10). Stord Ski deltok både på Korlevoll og i Røldal, og markerte seg på resultatlistene med fleire klassesigrar og sterk laginnsats.

Her er resultata frå Jularennet og Røldalsrennet:

Jularennet 26.12.2014 (fristil)

J 10  1 km - Lina Engevik Vørøs 05:29

G11  2 km - Håkon Størkson Berg 08:46 (nr. 2)

G13  3 km - Simen Engevik 11:23 (nr. 2)

G13 3 km - Jonas Meyer Eldøy 13:47 (nr. 8)

G 14 3 km - Jonas Engevik Vørøs 12:56 (nr.10)

G15  5 km - Arne Jordåen 19:12 (nr.7)

MSenior 15 km - Øyvind Gaute Berg 53:47 (nr. 26)

Fullstendig resultatliste finn de her: http://www.langrenn.com/resultater-jularennet-2014.5646076-114053.html

 

Røldalsrennet 27.12.2014 (klassisk). 2 klassesigrar!

G8 1 km - Eirik Størkson Berg 09:49

J10 1 km - Lina Engevik Vørøs 05:33

G11 2 km - Håkon Størkson Berg 10:07 (nr. 1)

G13 3 km - Simen Engevik 13:27 (nr. 1)

G14 3 km - Jonas Engevik Vørøs 14:24 (nr. 4)

G15 5 km - Ole Kvellestad 21:31 (nr. 5)

 

MSenior 10 km

Stian Engevik 35:33 (nr. 9)

Øyvind Gaute Berg 37:50 (nr. 11)

Kjell-Inge Engevik 38:33 (nr. 14)

 

Fullstendig resultatliste finn de her: http://www.langrenn.com/kvaale-hermansen-og-sausjord-toppet-roeldalsrennet.5651499-1743.html

Her er ein meir utfyllande rapport:

Andre juledag var ein god gjeng fra Stord il på Korlevoll skistadion for og delta i det tradisjonsrike jularennet. Rennet gjekk i fristil, og det var fellesstart for dei ulike klassane. Eit stort arrangement som samla over 200 på start. Begge renna samla løparar fra heile fylket, men og mange frå Rogaland hadde teke turen til desse renna. Lina Engevik Vørøs gjekk i 10-årsklassen, og gjennomførte løpet sitt i fin stil. Håkon Størkson Berg går første sesongen med rangering i 11-årsklassen. Han gjekk ein god to-kilometer, og fekk andreplass i klassen sin, berre fire sekund bak vinnaren. I 13-årsklassen stilte Simen Engevik og Jonas Meyer Eldøy. Simen har tidlegare markert seg med gode resultat, og tok denne gangen andreplassen berre fem sekund bak sin sterkaste rival, Bård Mehus fra Røldal. Jonas Meyer tok ein fin åttandeplass i samme årsklassen. Jonas Engevik Vørøs gjekk inn til ein tiandeplass i 14- årsklassen, mens Arne Jordåen fekk ein sjetteplass i 15-årsklassen. Blant våre seniorar var det kun Øyvind Gaute Berg som stilte, og gjekk ein blytung 15 kilometer i tett snøver.

Røldalsrennet: Også på laurdagens røldalsrenn var det ein god samling Stordløparar på start. Rennet gjekk i klassisk stil med tradisjonell inntervallstart. Klart fint vinterver, med 10-12 kuldegrader på start la ei fin ramme rundt arrangementet. Dette vart ein god dag for Stordgjengen, og sekundane var denne dagen meir på vår side. Eirik Størkson Berg var først ut av våre, og debuterte i 8-års klassen. Ein løpar for framtida!! Lina Engevik Vørøs viste at ho også meistra klassisk teknikk då ho gjekk eit godt renn i 10 årsklassen. Håkon Størkson Berg gjekk eit kjempeløp, og denne gongen fikk han stå øverst på pallen med klassesiger blant elleveåringane. Ustoppelige Simen Engevik fekk denne dagen verkeleg fart på skia, og ingen kunne ta frå han sigeren i 13-årsklassen, fem sekund føre Røldølingen Bård Mehus. Jonas Engevik Vørøs fekk også til eit godt renn denne dagen, og kjempa seg inn til ein oppløftande fjerdeplass i den store 14-årsklassen. Ole Christer Kvellstad gjekk sesongens første renn, og kom inn til ein femteplass i 15 årsklassen. Ein spanande løpar me håpar og sjå på start i fleire renn i tida som kjem.

Seniorklassen samla ca 30 løparar, og fleire av dei sterke løparar på landsnivå. Stian Engevik vart best av våre med ein sjuandeplass. Øyvind Gaute Berg viste at det nok er klassisk som er hans grein, og kom inn til ein imponerande 11. plass. Kjell Inge Engevik kom inn på 14. plass etter ein relativt tung ti kilometer på trått føre. Ei god avslutning på ei kjekk konkuransehelg, som viser at det blir drive godt arbeid i klubben og som motiverar oss til vidare satsing.